मेरी भव-बाधा हरौ
पीछे1. मेरी भव-बाधा हरौ, राधा नागरि सोइ।
जा तन की झाईं परै स्यामु हरित-दुति होइ।।
2. कोऊ कोरिक संग्रहौ, कोऊ लाख हजार।
मो संपति जदुपति सदा बिपति-बिदारनहार।।
3. या अनुरागी चित्त की गति समुझै नहिं कोइ।
ज्यौं ज्यौं बूड़ै स्याम रंग, त्यौं त्यौं उज्जलु होइ।।
4. मोहन-मूरति स्याम की अति अदभुत गति जोइ।
बसतु सु चित-अन्तर, तऊ प्रतिबिंबितु जग होइ।।
5. तजि तीरथ, हरि-राधिका-तन-दुति करि अनुरागु।
जिहिं ब्रज-केलि-निकुंज-मग पग पग हो प्रयागु।।