मलिक मुहम्मद जायसी
हमारी श्रेणी
पुनि बरनौं का सुरंग कपोला
पीछेनखशिख खण्ड-
पुनि बरनौं का सुरंग कपोला। एक नारंग के दुऔ अमोला।।
पुहुप पंक रस अंब्रित साँधे। केइं ये सुरंग खिरौरा बाँधे।।
तेहि कपोल बाएँ तिल परा। जेइं तिल देख सो तिल तिल जरा।।
जनु घुँघची वह तिल करमुहाँ। बिरह बान साँधा सामुहाँ।।
अगिनि बान तिअ जानहुँ सूझा। एक कटाख लाख दुइ जूझा।।
सो तिल काल मेंटि नहिं गएऊ। अब वह गाल काल जग भएऊ।।
देखत नैन परी परिछाहीं। तेहितें रात स्याम उपराहीं।।
सो तिल देखि कपोल पर गँगन रहा धुव गाड़ि।
खिनहि उठै खिन बूड़ै डोलै नहिं तिल छाँड़ि।।